Барселона и Монако се блиску до постигнување договор за позајмица на напаѓачот Ансу Фати од каталонскиот гигант, тврди италијанскиот фудбалски стручњак Фабрицио Романо на социјалните мрежи.

Овој 22-годишен фудбалер веќе ги договорил личните услови со францускиот клуб.

Договорот меѓу двата тима вклучува и клаузула за купување на Фати.

Конечните детали од договорот сè уште не се прецизирани.

Оваа сезона Фати скоро не добиваше никаква минутажа во Ла Лига, запиша само шест настапи, односно помина 233 минути на терените во Шпанија.

Со Барса двапати беше првак во првенството, а имаше и по еден пехар во Копа дел Реј и шпанскиот Суперкуп.