Што мислите за враќањето на споменикот на Ќосето во Скопје и дали „Касапот“ е лик кој обединува или разединува, е прашањето на кое граѓаните одговараа во анкетата „Внимание, внимание, зборуваат граѓаните“.

Мнозинството анкетирани воопшто не се заинтересирани за споменици, туку за решавање на други проблеми.

– Треба малку повеќе кон иднината да гледаме, а не кон спомениците назад – вели еден граѓанин. Друга граѓанка вели дека е повеќе заинтересирана за животниот стандард, отколку „дали ќе биде споменик на тој лево или десно“.

Повеќето анкетирани млади лица воопшто не знаат за споменикот, ниту за Ќосето, ниту ги интересираат спомениците.

Во однос на тоа дали е лик кој разединува или обединува, граѓаните велат дека историски лик со прекар „Касапот“ не е симбол кој обединува, туку симбол кој разединува.
Во однос на тоа дали на Скопје му требаат модерни згради или споменици-дивоградби, дел од граѓаните рекоа дека е подобро да има модерни згради, а за останатите ниту едно од наведените работи не е потребно.

– Доволно се згради и споменици, тие пари може да се вложат во здравството, во борбата против загадениот воздух – е најчестиот коментар.