В петок од 20.45 часот на Националната Арена „Тодор Проески“ македонската фудбалска А репрезентација ќе ја пречека Белгија во квалификациите за Светското првенство 2026.

Европската куќа на фудбалот (УЕФА) ги објави имињата на судиите кои ќе делат правда на мечот во Скопје.

Главен судија ќе биде Крис Кавана од Англија, негови помошници ќе бидат Ли Бетс и Нил Дејвис, а четврти судија ќе биде Сем Берот.

Асистент на главниот судија во ВАР собата ќе биде Стјуарт Етвел, а негов помошник е Кевин Кленси од Шкотска.

Инаку годинава Кавана воглавно судеше мечеви од Премиер лигата, како и натпревари во Лигата на Европа, Чемпионшип, квалификациите за пласман на следниот Мундијал меѓу Израел и Норвешка (2:4) во март и Лигата на шампионите.