Фудбалската репрезентација на Македонија утревечер ја очекува еден од најважните натпревари досега, полуфиналниот бараж натпревар за пласман на Европското првенство против Косово.

Селекторот Игор Ангеловски верува во своите избраници дека ќе го дадат максимумот утревечер, но предупредува дека мора да бидат со ладни глави.

– Ако во нешто сум сигурен, тоа е дека утре ќе го видите максимумот на оваа репрезентација. Тоа е биде најдоброто од нив, зашто ова го чекаме 30 години, да играме во бараж. Ова е еден вид финале, каде нијанси ќе решаваат, но јас се надевам дека тие нијански ќе бидат на наша страна и на крајот ние ќе се радуваме. Тоа што е најважно во однос на натпреварите од минатиот репрезентативец циклус, е дека сега фудбалерите играат во своите клубови, првенствата се почнати, за разлика од тогаш кога имавме играчи после само два тренинзи, па така физичката подготовка е на високо ниво.
Сепак, ова е меч кој се игра и без тренинг, знаеме што носи, знаеме колкава е мотивацијата. Тие два меча во септември ни беа добредојдени како подготовка, паралелно да освоиме и бодови за новата сезона во Лигата на нации и подготвени сме за Косово. Најважно е да останеме ладни, зашто ова е меч како и секој друг, ќе имаме ист пристап на него како и за секој друг меч, ова е дуел на 11 против 11 фудбалери. Свесни сме за се што направивме изминатите години, но сега сме подготвени да го извадиме секој атом од своите сили – вели Ангеловски,