Maкедонскиот шампион, Еурофарм Пелистер одигра одличен натпревар во Париз каде што претрпе пораз од 31:29 во натпреварот против големиот фаворит.

Еурофарм Пелистер одлично парираше на ПСЖ кој е еден од главните фаворит за пласман на фајнл-фор турнирот на крајот од сезоната. По едно такво издание очекувано тренерот Бранислав Ангеловски беше и тоа како задоволен.

„Ветивме пред натпреварот дека ќе се бориме до последната секунда. Не се откажавме ниту кога ПСЖ водеше со седум-осум разлика, покажавме карактер и квалитет. Горд сум на ова издание на моите играчи во Париз“, изјави Ангеловски.

Следен натпревар на битолскиот состав во ракометната елита е против Фуксе Берлин на домашен терен кој ќе се игра за седум дена. ПСЖ од друга страна ќе се соочи со Веспрем од Унгарија.

ВИДЕО | „Бомбата“ на Кузмановски потег на мечот на натпреварот во Париз