Ангеловски: Не и е потребна еуфорија, мора да останеме цврсто на нозе
Селекцијата на Македонија на убедлив начин ги заврши подготвителните натпревари пред настапот на ЕП, го совлада Казахстан со 4:0.
По првиот контролен натпревар во која фудбалетите ремизираа со Словенија (1:1), денеска против Казахстан, доминираа во сите 90 минути и на крајот остварија убедлив триумф кој сигурно ќе ја крене самодововербата кај репрезентативците пред дуелот со Австрија на 13. јуни. Но, селекторот Игор Ангеловски смета дека не е потребно да се создава еуфорична атмосфера.
Препорачано
-
1
-
2
-
3
– Целта со овие два контролни натпревари, да испробаме тактички варијанти, но и поединечно фудбалерите да добијат минутажа, ја остваривме и тоа успешно од сите аспекти. Фудбалерите кои обија шанса ја искористија, сега ќе можеме на што повеќе фудбалери да сметаме. Денес својата шанса извонредно ја искористија младите Чурлинов и Ристовски. Се покажа дека и тие се иднина на македонската фудбалска репрезентација Јас морам да им се заблагодарам на навивачите за поддршката, што дојдоа да не поздрават и испратат, но нас еуфорија не ни треба. Нека има фудбалска еуфорија во Македонија меѓу сите навивачи, но ние мора да останеме цврсто на нозе. Сега ни слети тоа вистинското, Европското првенство – порачува селекторот Ангеловски.
ФОТО: Фудбалерите победнички одат на Евро 2020, рутински го совладаа Казахстан
