Португалецот Андре Виљаш Боаш кој како тренер помеѓу останатите клубови ги водеше Челси и Порто сега стана и претседател на португалскиот клуб.

Боаш на местото претседател доаѓа на Пино Де Кошта кој на чело на Порто беше цели 42 години и тоа најдолгата ера на еден прв човек во некој клуб. На клупските избори гласаа вкупно 28.876 лица, а на крајот повеќе гласови освои Боаш.

Уште на стартот Боаш ќе има предизвик да се справи лошата финансиска состојба во клубот.

„Порто е во состојба на оперативен банкрот, клбуот очекуваше поголеми приходи, но на крајот не ги доби. Сепак, јас верувам дека ќе го вратиме Порто каде и што припаѓа. Ова е клуб кој на сите им е потребен и чест ми е што сум избран да раководам во годините кои следат“, изјави Боаш.