Реал Мадрид неочекувано беше поразен на гостински терен од Лил (1:0) во натпреварот од второто коло во фудбалската Лига на шампионите, а Карло Анчелоти по мечот призна што особено му пречело.

Иако тренерот на „кралевите“ направи одредени промени во стартниот состав, се очекуваше шпанскиот гигант да нема премногу проблеми, но на крајот европскиот првак доживеа пораз од Французите.

И покрај тоа што Анчелоти во игра ги внесе своите најдобри играчи, на крајот Реал не успеа ниту да израмни.

? Ancelotti: “We didn’t create, the possession was slow, no ideas. Our forwards need a more vertical game. This could be a problem when you’re slow.”#RealMadrid #ChampionsLeague pic.twitter.com/r4CXcJmAiA

— sportsphere (@sportspheree) October 2, 2024

– Лил беше подобар и заслужено победи. Бевме премногу бавни. Не создававме шанси, ритамот на играта беше бавен и изгледавме тотално без знаење. Потфрливме на сите полиња. Ме загрижува тоа што ниту еден од играчите не импресионираше. Игравме тотално под нивото, доколку ова се повтори, може да биде сериозен проблем – рече Анчелоти.

Во следното коло на ЛШ Реал Мадрид ќе игра против Борусија Дортмунд, со која минатата сезона играше во финалето.