Сообраќајот на државните патишта се одвива непречено, по претежно суви коловози.

Автомото Сојузот на Македонија (АМСМ), сепак, препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, низ речните долини и низ клисурите, каде има можност за појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Од АМСМ потсетуваат на законската обврска за задолжително поседување на зимска опрема во возилата, без оглед на моменталната временска состојба, обврска што ќе трае до 15 март.