Како што известува новинарот Фабрицио Романо, тренерот на фудбалерите на Манчестер јунајтед, Рубен Аморим повторно потврди дека клубот не планира да го продаде Бруно Фернандеш.

– Бруно е лидер, капитенот. Природно е луѓето го сакаат Бруно, а ние сакаме да го задржиме него во Манчестер јунајтед. Тој е еден од врвните фудбалери во светот – се зборовите на Аморим.

Пред шест дена во првиот натпревар од полуфиналето на Лига Европа Фернандеш беше двоен стрелец во гостинската победа над Атлетик Билбао и „црвените ѓаволи“ со една нога се во финалниот меч од натпреварувањето.

Реваншот на Олд Трафорд ќе се игра в четврток од 21.00 часот.

Португалскиот 30-годишен играч од средниот ред сезонава во Премиер лигата има осум голови во 33 настапи.

Има важечки договор со Јунајтед до 30 јуни 2027 година и моментно според „Трансфермаркт“ вреди 55 милиони евра.