Тренерот на фудбалерите на Манчестер јунајтед, Рубен Аморим зборуваше на прес-конференција во пресрет на натпреварот од Премиер лигата против Тотенхем.

Самиот долгорочно ја дефинираше целта за „црвените ѓаволи“, а даде свое мислење и за колегата Ангелос Постекоглу.

– Јас сум голем фан на Постекоглу. Со сета почит кон него, јас сум во многу поголем тим, со многу поголем притисок. Да, зборуваме за титула во 2028 година, со нашиот фокус да ја освоиме Премиер лигата и можеме да промениме се во следните неколку години.

Во овој момент сме во тешка позиција, но мора да работиме секој ден со мали чекори – рече Аморим.

Манчестер јунајтед моментно е на 13 место на табелата во Премиер лигата со 29 бодови.