Американските колеџи и универзитети се соочуваат со најголема финансиска криза од Големата рецесија, предупредуваат експерти. Поради падот на уписите и новите ограничувања за студентски визи, многу институции се на работ на одржливост, објави Си-Ен-Би-Си.

Според проекциите на Националното здружение на меѓународни едукатори (NAFSA), оваа академска година во САД би можеле да има до 150.000 помалку меѓународни студенти, што претставува загуба од речиси 7 милијарди долари приходи од школарини.

Најпогодени се помалите универзитети кои зависат од целосните школарини на странските студенти.

„Она што ќе го видиме се затворање на програми, кампуси и цели институции“, предупредуваат од Американското здружение на универзитетски професори, додавајќи дека за разлика од елитните универзитети, помалите колеџи се соочуваат со сериозен ризик за опстанок.

Засега, колеџите ќе мора да се приспособат со нови мерки за заштеда.