Американски експерти тврдат дека Русите изградиле „царски воз“ долг 30 километри во Доњецк
Во својата најнова анализа на ситуацијата во Украина, Институтот за проучување на војната (ИСВ) тврди дека руските сили изградиле бариера долга 30 километри наречена „царски воз“ во окупираната област Доњецк.
Американскиот тинк-тенк претпоставува дека бариерата ќе служи како линија на одбрана против идните украински напади. Сателитските снимки од 10 мај 2023 година и 6 и 10 февруари 2024 година покажуваат дека во изминатите девет месеци, руските сили поставиле долга железничка линија која се протега од окупираната Оленивка до Волноваха.
Russian Offensive Campaign Assessment, Feb. 11, 2024
Key Takeaways:
Russian forces made confirmed advances near Avdiivka and in western Zaporizhia Oblast amid continued positional engagements along the entire frontline. (1/7) pic.twitter.com/pr9teB8u0v
— Institute for the Study of War (@TheStudyofWar) February 12, 2024
Украински извор објави дека Русите собрале повеќе од 2.100 товарни вагони во воз долг 30 километри. Изворот додаде дека склопувањето на „возот“ започнало во јули минатата година. Железничката линија помеѓу Оленивка и Волноваха е оддалечена приближно шест километри од првата линија.
Таа област на фронтот беше релативно неактивна кога руските сили почнаа да го склопуваат возот. Русите неодамна остварија маргинални територијални придобивки во таа област. ИСВ предупредува дека не треба да се игнорира можноста склопениот воз да има и други цели, освен да служи како бариера.
