Во вториот дел од своето прво интервју по судењето, Амбер Херд се отвори пред Савана Гатри од NBC News на „Today“ за нејзиниот живот по пресудата, пишува „Variety“.

На прашањето дали е загрижена дека Деп повторно ќе ја тужи за клевета, Херд рече: „Се плашам дека што и да правам, што и да кажам или како ќе кажам, секој чекор што ќе го направам ќе претставува уште една можност за овој вид на замолчување“.

Гатри ја прочита смс пораката на Деп до Амбер во која тој ѝ вели дека ќе претрпи „тотално глобално понижување“ и ја праша Херд дали мисли дека тоа се остварило.

Амбер Херд ја повтори клеветата во едно интервју: Ова е основа за нова тужба

„Знам дека тој го вети тоа“, рече таа. „Сведочев за ова. Јас не сум добра жртва, разбирам. Јас не сум симпатична жртва. Јас не сум совршена жртва. Но, кога сведочев, побарав од жирито само да ме гледа како човек и да ги слушне неговите зборови, кои ветуваат дека ќе ме понижи. Се чувствува како да успеал“.

Гатри праша зошто Херд го напиша авторскиот текст на „Washington Post“ за 2018 година, алудирајќи на тоа дека била жртва на минато злоставување две години по нејзиниот договор за развод. И покрај тоа што не го спомнува Деп по име, тоа беше суштината на судењето за клевета.

„Описот не беше за мојот однос со Џони“, рече таа. „Јас како автор го позајмив гласот на еден поголем културолошки разговор што го водевме во тоа време“.

На прашањето дали се надевала дека ќе му наштети на Деп со авторскиот текст, Херд рече „Се разбира дека не. Не беше за него“.

Watch all of part two of @SavannahGuthrie‘s exclusive interview with Amber Heard, in which Heard discusses her future, fears about new defamation lawsuits and whether she still “has love” for Johnny Depp: pic.twitter.com/xr3EX9se6K

— TODAY (@TODAYshow) June 15, 2022

Новинарката потоа се распрашуваше за претстојните планови на Херд: „Ќе станам мајка со полно работно време, каде што не морам да жонглирам со повиците со адвокатите“.

Запрашана за Џони денес, Херд рече: „Го сакам. Го сакав со целото мое срце. И се трудев најдобро што можев за да профункционира длабоко нарушената врска. Не можев. Воопшто немам лоши чувства или лоша волја кон него. Знам дека можеби е тешко да се разбере или може да биде навистина лесно да се разбере. Ако некогаш сте сакале некого, би требало да биде лесно“.

ФОТО | Кој го плаќа? Амбер Херд нема ниту цент, а лета со приватен авион!