Амбасадорот на Јужна Кореја во САД, Чо Хјунг-донг, вети дека ќе се погрижат Сеул и Вашингтон да ја задржат својата цел за денуклеаризација на Северна Кореја, откако американскиот претседател Доналд Трамп претходно оваа недела го опиша Пјонгјанг како „нуклеарна сила“.

На месечната средба со новинарите, Чо истакна дека Сеул се фокусира на зајакнување на координацијата на политиката со втората администрација на Трамп, објави Јонхап.

„Иако ќе гарантира дека и Јужна Кореја и Соединетите Американски Држави ќе ја задржат целта за денуклеаризација на Северна Кореја, владата во Сеул ќе ја зајакне координацијата на политиката на Северна Кореја со Соединетите држави за да се реши прашањето комплицирано со вмешаноста на Северна Кореја во војната во Украина“, рече тој.

Во понеделникот Трамп ја опиша Северна Кореја како нуклеарна сила, пренесува Танјуг.

Овој термин е различен од поимот држави со нуклеарно оружје, кој се однесува на САД, Кина, Франција, ОК и Русија, кои се официјално признати дека поседуваат нуклеарно оружје со Договорот за неширење на нуклеарно оружје, според Јонхап.