Кој бил во Грција, Турција, Кипар… сигурно наишол на многу „сини очи“ кои гледаат од локалните тезги и продавнички. Тоа е амајлија во облик на око наречено „Окото на Фатима“, „турско око“ или „Назар“, речиси секоја куќа го има и е задолжителен сувенир кој го носиме од одмор.

Назар доаѓа од арапскиот збор назара (поглед), а ова кристално сино око е еден од заштитните симболи во тенгризмот, старата религија на турските народи. Назар е исклучително застапен во Турција, Грција, Кипар, Египет, Авганистан, Иран, Либан… а таму ќе го најдете во куќи, канцеларии, автомобили, како накит и за уредување на домот.

Според исламската традиција, ќерката на Мухамед, Фатима му подарила на својот вереник парче сино стакло и благодарение на оваа амајлија тој успешно го завршил своето патување надминувајќи ги сите можни пречки, пишува „Жена.блиц.рс“ (Zena.blic.rs).

Најчесто е направено од рачно изработено стакло, а иако најчесто е сино, може да се најде и во бела и црна, понекогаш и во златна боја. Во суштина, тоа е еквивалент на христијанскиот крст и служи за заштита од злите очи.

Честопати, окото на Фатима се поставува во близина на вратата од куќата, со цел да го измери и процени секој посетител, додека мајките често го ставаат покрај креветчето на бебето за да го заштитат новороденчето од зли очи (погледи).

Се верува дека окото на Фатима може да ги отфрли сите негативни вибрации од оној што го носи, поради неговиот состав, бидејќи е направен од стакло, бакар, железо, вода и сол.

Окото на Фатима може да и пукне, а се верува дека тоа се случува кога имало особено тешка работа. Во тие случаи, треба да се замени со ново за да може да работи со целосен ефект.