Алушовски: Имаме шанси на крајот да се радуваме против Флензбург
Пред одигрувањето на натпреварот од ЕХФ Лигата на шампионите помеѓу екипите на Вардар 1961 и Флензбург од групата „А“, своите очекувања ги споделија тренерот на „црвено-црните“, Стевче Алушовски и хрватскиот десен бек Јосип Векиќ.
Препорачано
-
1
-
2
-
3
Средбата од четвртото коло е закажана за в четврток, 15 октомври 2020 година со почеток во 20.45 часот во СЦ „Јане Сандански“ – Скопје.
Алушовски истакнува дека играме на домашен терен, ќе се обидат неговите играчи да излезат како победници против германскиот претставник.
– Прв натпревар за нас на домашен терен. Се знае дека еден месец немаме натпревар. Секако дека Флензбург во овој дуел е во предност, доколку така може да се каже, се наоѓа во подобра натпреварувачка форма, а ние еден месец тренираме. Се обидовме да одиграме два пријателски натпревари, но без разлика на сè очекувам една машка, борбена игра од наша страна, добро ги анализиравме противниците, не сме без шанси, без разлика што тие го победија ПСЖ на гостински терен, не знаат за пораз до сега.
За мене е многу важно моите играчи да бидат подобри од последниот настап во Мешков против Брест, мислам дека имаме шанси на крајот да се радуваме. И ривалот има проблеми со повредени играчи. Немаат не знам каква ротација, но пак ќе кажам можеби мала предност е во тоа што моментно тие се во подобра натпреварувачка форма, што не значи дека ние нема да направиме сè да излеземе како победници од овој натпревар – вели тренерот на Вардар 1961, Алушовски.
Вардарци во првото коло загубија во Белорусија од Мешков Брест во досега единствениот меч во групната фаза од ЛШ со резултат 24:22, дуелите со Елверум (дома) и Пик Сегед (гости) беа одложени поради коронавирусот.
– Во четврток ни доаѓа сигурно еден доста сериозен натпревар. Многу важен за нас после долга пауза, имавме два одложени мечеви. Трениравме многу за нив, се подготвувавме, се бориме на тренинзите. Одигравме два контролни мечеви и ќе видиме што ќе биде во четврток – се зборовите на Векиќ, ракометарот на Вардар 1961.
Лига на шампиони
Група „А“, 4. коло – двојки
14. октомври Кјелце-Мешков Брест (18.45 ч.)
15. октомври Вардар 1961-Флензбург (20.45 ч.)
15. октомври ПСЖ-Елверум (20.45 ч.)
15. октомври Порто-Пик Сегед (20.45 ч.)
Табела:
1.Флензбург 6 бодови (од 3 натпревари)
2.Кјелце 4 бодови (3 натпревари)
3.Мешков Брест 4 бодови (3 натпревари)
4.Порто 2 бодови (3 натпревари)
5.Елверум 2 бодови (2 натпревари)
6.ПСЖ 0 бодови (2 натпревари)
7.Вардар 1961 0 бодови (1 натпревар)
8.Пик Сегед 0 бодови (1 натпревар)
Повторно корона во редовите на РК Вардар, еден ракометар позитивен
