Шпанецот Раул Алонсо ќе го има своето деби на клупата на Еурофарм Пелистер во натпреварот против Фредериција во Лигата на шампионите.

За Алонсо ова ќе биде прв европски натпревар откако претходно успешно дебитираше на клупата во домашното првенство.

„Секој натпревар е различен, посебно кога играте во Лигата на шампионите. Ракометарите тука брзо се адаптираат, на новите ситуација. Фредериција е тим кој многу напредуваше во претходните две сезони и беше компететивна во силното првенство на Данска. Од клупата ги предводи Гудмундур Гудмудсон кој е еден од најдобрите светски тренери. Сигурно ќе биде тешко, иако победивме на гости. Сега играме нов натпревар и не очекуваме лесен триумф.

Кога во прашање се подготовките немав време колку што е потребно, тука сум само три дена и одработивме еден тренинг. Влегуваме во натпреварот со вкупно три тренинзи. Ќе го следиме нашиот план, важно е да играме на високо ниво во одбранта и тоа мора да ни појдовна точка за добар резултат“, изјави Алонсо.

Натпреварот помеѓу Еурофарм Пелистер и Фредериција се игра в среда од 20:45 часот.