Еурофарм Пелистер не успеа да приреди изненадување во ракометната Лига на шампионите, загубија убедливо со 39:29 од Фуксе Берлин и мечот против ПСЖ во последното коло ќе биде само формалност.

Македонскиот шампион требаше да остане непоразен на тешкото гостување кај Фуксе Берлин за до последното коло да ги задржи шансите за место во следната фаза од ЛШ, но тоа не се случи.

– Натпреварот беше повеќе-помалку израмнет сѐ до последните 20 минути игра. Се трудевме да не дозволиме премногу да ја зголемат разликата. На дефанзивната страна на топката завршивме одлична работа, но во вториот дел не можевме да го реализираме она што го планиравме. Како што е кажано, јазот се чувствува малку преголем, и би сакал да им честитам на моите момци за нивниот настап – се зборовите на тренерот на Еурофарм Пелистер, Раул Алонсо, на официјалниот сајт на ЕХФ.

На едно коло до крајот во групата А води Веспрем со 24 бодови, пред Спортинг кој има 17, потоа Фуксе Берлин и ПСЖ со по 16, Динамо Букурешт и Висла Плоцк со по 10, Еурофарм Пелистер има осум, а Фредериција три.

Еурофарм Пелистер во последното коло го пречекува ПСЖ на 6 март од 20.45 часот во салата „Боро Чурлевски“, но што и да се случи на тој дуел, битолчани не можат да дојдат до шестата позиција која води во нокаут фазата.