Реал Мадрид денеска и официјално го претстави Чаби Алонсо како нов предводник на сениорскиот тим, со што започнува ново поглавје на „Сантијаго Бернабеу“. Шпанскиот стратег, кој доаѓа по блескавата епизода во Баер Леверкузен, истакна дека чувството да се вратиш „дома“ е непроценливо и дека со голема чест и одговорност што ја презема улогата од Карло Анчелоти.

„Голема чест е да се преземе кормилото од Карло, човек кој имаше огромно влијание врз мене како играч и како личност. Без неговата поддршка, можеби денес немаше да бидам тука. Ќе направам сè за да го продолжам неговото наследство и да ја оправдам довербата на клубот и навивачите“, изјави Алонсо на промоцијата во Мадрид.

Алонсо зад себе има импресивен период во Леверкузен, каде го предводеше тимот до историска титула во Бундеслигата и пласман во финалето на Лига Европа. Сега, се враќа на местото каде што помина пет успешни години како фудбалер (2009–2014), освојувајќи пет трофеи, меѓу кои титула во Ла Лига и трофејот од Лигата на шампионите.

„Ова е посебен ден за мене. Среќен сум што повторно сум во клубот што го чувствувам како свој дом. Иако помина време, мојата врска со Реал и со навивачите никогаш не беше прекината“, додаде новиот тренер на „кралевите“.