Карлос Алкараз без поголеми проблеми успеа да се пласира во следното коло на САД Опен и со 3-0 во сетови го совлада Американецот, Рајан Опелка, но во овој меч внимание привлече и со неговиот нов имиџ.

По мечот и спикерката на стадионот не пропушти да го праша шпанскиот ас за неговата нова фризура, бидејќи пред само неколку дена на тренинзите беше со својот препознатлив изглед.

„Косата ми беше предолга и одлучив да ја скратам. Бевме сами со брат ми, тој зеде машинка, ама работите не тргнаа како што треба. Ми ја скрати многу повеќе од планираното, па единствено решение беше да ја избричам целосно. Искрено, не изгледа толку лошо, не сакам долга коса, а и ќе порасне брзо“, со насмевка објасни Алкараз.

По сигурниот настап против Опелка, во следното коло Алкараз ќе се сретне со Италијанецот Матија Белучи, кој во три сета го совлада Кинезот Шанг.

ВИДЕО: Алкараз се појави со нов имиџ и со победа без изгубен сет го стартуваше САД Опен