Шпанскиот тенисер Карлос Алкараз денеска успешно ја започна сезоната на турнири на трева.

Алкараз учествува на турнирот во Квинс, Лондон, каде што триумфираше во првото коло против Австралиецот Адам Волтон.

Шпанецот победи со 2:0 во сетови 6:4, 7:6 (4), а мечот траеше еден час и 44 минути.

Во првиот сет, клучен беше маратонскиот седми гем, во кој Алкараз успеа да направи брејк и да ја задржи таа предност до крајот на сетот.

Тоа беше единствениот брејк во овој меч, па вториот сет беше решен во тај-брејк во кој Шпанецот, со серија од 3:0 од 4:4, стигна до конечни 7:4 за победа.

Во второто коло, Алкараз ќе се сретне со победникот од дуелот помеѓу Австралиецот Џордан Томпсон и Шпанецот Хауме Мунар.

Лехечка со 6:4 и 6:2 триумфираше над Де Минир, потоа Накашима со пресврт го елиминираше Мпетши Перикар (6:7, 7:6, 6:4). Победи забележаа уште Попирин, Дрејпер, Опелка и Риндернех.