Ракометарите на Алкалоид запишаа уште една убедлива првенствена победа, во шестото коло, на гостински терен кај екипата на МРК Куманово со 35:21.

Тимот на Кирил Лазаров важеше за фаворит на овој натпревар и ја оправда таа улога од почетокот во кој уште по 10 минути имаше водство од 6:2. Резултатскиот баланс беше постигнат откако РК Алкалоид поведе со шест гола разлика и до крајот на првиот дел водството се движеше меѓу пет и шест гола, а на полувреме резултатот беше 17:10.

Алкалоид беше доминантниот тим и во вториот дел во кој по 10 минути игра поведе со 25:15, по што прашање беше само со колкава разлика ќе слави фаворитот.

Во финишот играчите на Лазаров почнаа нова серија на погодоци, стигнаа и до 33:19, а потоа и со 35:20 што беше и највисоката разлика на мечот.

Во победничките редови Серафимов реализираше осум голови, а по пет Тордарсон, Костески и Ѓорговски.

На спротивната страна најрасположени беа Цековски и Ончев со со пет погодоци, а три запиша Стојков.