Пејачката Александра Пријовиќ (29) стана мајка по вторпат. Музичката ѕвезда се породила во приватна клиника во Белград и на свет донесе девојче. Породувањето поминало без компликации, а и мајката и бебето се чувствуваат добро, пренесува „Хелоу“.

Пријовиќ и нејзиниот сопруг, Филип Живојиновиќ, ја нарекле ќерката Арија. Ова е прво девојче во семејството Живојиновиќ по повеќе години, па радоста е голема. Особено се вели дека највозбуден бил нивниот син Александар, кој со нетрпение ја очекува средбата со својата помала сестра.

Уште во јануари беше објавено дека пејачката е бремена, по што таа најави пауза во кариерата. Пријовиќ претходно изјави дека ѝ е голема желба да има ќерка.

„Најважно ми е моето семејство секогаш да биде добро. Би сакала, ако следната година, затоа што сега многу работиме, да добијам ќерка“, изјави таа во едно интервју.