Возачот на Гресини, Алекс Маркез, денеска ја освои пол-позицијата за спринтот и главната трка на Големата награда на Каталонија во Мото ГП шампионатот.

Алекс Маркез ја освои својата прва пол-позиција оваа сезона на патеката Каталуња со време од 1:37.536 минути.

Втор беше возачот на Јамаха, Фабио Квартараро, кој беше 0,267 секунди зад победникот во квалификациите.

Марк Маркез од Дукати го освои третото место, 0,409 секунди зад својот брат.

Потсетување дека главната трка ќе биде в недела од 14.00 часот.

Марк Маркез е водечки во генералниот пласман со 455 поени, по него следуваат Алекс Маркез со 280 и Франческо Бањаја со 228.