Косовскиот премиер Албин Курти, кој е во неофицијална посета на земјава денеска ја посети општина Чаир каде присуствуваше на преименувањето на улицата „Втора македонска бригада“ во „Адем Демачи“, косовски политичар и писател.

Курти порача дека од особено значење е тоа што Демачи ќе има своја улица во Македонија.

Премиерот на Косово во Чаир беше пречекан од градоначалникот на Општина Чаир Висар Ганиу, лидерот на „Беса“ Билал Касами, на „Алтернатива“, Африм Гаши и Изет Меџити кој најави формирање на ново политичко движење во албанскиот блок откако ја напушти ДУИ.

Добредојде за Османи само на албански јазик, посетата на претседателката ги испразни контејнерите и го растовари сообраќајот во Тетово

Попладне во Тетово, Курти ќе се сретне со албанските опозициски партии, но не се најавени средби со државниот врв или владините партии од албанскиот блок.

Пред влезот на Тетово Курти ќе биде пречекан со пораката „Добредојдовте во Тетово премиере“ испишана само на албански јазик на платно и закачена на надвозник, а во градот истата порака ја има на билборди.

По повод пристигнувањето на косовската делегација, локалната самоуправа одлучи сите паркинзи денеска да бидат бесплатни.