Давид Алаба изминатото лето одлучи по 11 години да си замина од Баерн Минхен и како слободен играч да се пресели во Реал Мадрид.

Австрискиот репрезентативец сега по неколку месеци како член на „кралскиот клуб“ ја објасни разликата помеѓу двата најголеми клубови на светот.

– Баерн како Реал Мадрид е еден од најголемите клубови на светот. Нема некоја преголема разлика. Сепак, без намера да го навредам Баерн Минхен, некако за нијанса се е поголемо во Реал.Почувствував некоја посебна конекција од првиот ден, големината на Реал Мадрид се чувстува на секој чекор, кога ќе се влезе во градот, на стадионот, во тренинг центарот. Овој клуб е посебен – изјави Алаба.