Доколку сакате да намалите неколку килограми, не го прескокнувајте појадокот. А доколку сакате тоа полесно да го изведете, студиите покажаа дека на менито треба да се најдат и јајцата.

Студијата објавена во магазинот „Интернешнл џурнеј од обесити“ (International Journey of Obesity), покажала дека јајцата се одличен сојузник во слабеењето. Во текот на двомесечното истражувањe биле следени две групи на луѓе со поголема тежина кои биле на диета. Едната група јадела две јајца за појадок, а другата уживала во печивата.

Двете групи внесувале иста количина калории во првиот утрински оброк, но во 65 отсто од случаите повеќе килограми изгубиле луѓето кои консумирале јајца.

Покрај тоа, тие рекле дека имаат повеќе енергија од испитаниците кои денот го започнувале со оброк на база на јаглехидрати и дека значително им се намалил индексот на телесна тежина.

Важни витамини од групата Б

Овие резултати не ги изненадуваат нутриционистите кои јајцата ги сметаат за одличен извор на протеини кои ефикасно заситуваат и спречуваат прејадување во остатокот од денот.

Покрај тоа, помагаат во регулирање на добриот холестерол, а богати се и со витаминот Б12 и холин, кои го осигуруваат нормалното функционирање на сите клетки во организмот.

Треба да имате на ум дека во околу 100 грама јајца има околу 160 калории, но дека оваа бројка се зголемува со оглед на термичката преработка односно пржење или печење во маст или зејтин.

За диетален начин на исхрана, најприфатливо е да ги сварите јајцата и да ги комбинирате со зеленчук во салата.