Верниците што ја посетуваат Митрополитската катедрала во Јаши – Романија сега можат да направат добро дело со платежна картичка. Во дворот на црквата е инсталиран посебен уред за електронски донации, кој ја замени традиционалната „кутија за милостина“- пренесе Бизпортал.

Уредот е купен во Велика Британија за 800 фунти и моментално собира средства за 180 стари лица без помош од едно село во Јаши.

– Нашите колеги го виделе овој метод во странство и помисливме – зошто да не воведеме и ние толку брз и безбеден начин на трансфер на пари во Јаши, за да стигнат средствата директно до оние за кои се наменети – објаснува претставникот на Митрополитската катедрала во Јаши.

Процесот е едноставен – понудените износи се појавуваат на екранот на уредот – 30, 60 или 90 леи. Донаторот го избира износот и трансакцијата се завршува за само неколку секунди. Парите веднаш се префрлаат на сметката на центарот под покровителство на Метрополијата и се користат за хуманитарни проекти – од медицински третман до помагање на најранливите.

– Секоја кампања има своја цел и донаторите веднаш знаат за кого одат нивните пари.  Ако парите одат таму каде што се наменети, јас сум задоволен – истакнува еден од донаторите.

– Одлично е што можам да донирам дури и кога немам готовина со мене – додава еден посетител.