Фото: Rodrigo Solar / Pexels

Ако ги имате овие симптоми по убод на стршен, итно обратете се кај лекар

Еден стршен може да убоде еднаш или повеќепати, а понекогаш стршените се ројат, што резултира со десетици или стотици убоди.

Стршените се инсекти од семејството на оси, а познати се по својот непријатен убод. Тие се еден од илјадниците видови од редот Hymenoptera, кој исто така вклучува и пчели, мравки и други оси.

Стршените обично се долги околу три сантиметри, а се препознаваат по жолтите ленти на нивното темно тело. Имаат крилја, антени, нозе и жило, пишува „Хелтлајн“ (Healthline).

Убодите од стршен обично предизвикуваат благи симптоми, но понекогаш може да предизвикаат тешки алергиски реакции и загрижувачки клинички знаци.

Отровот на стршен содржи хистамин, кој може да предизвика тешки алергиски реакции кај луѓето. Повеќето убоди од стршен може да се лекуваат сами, но во случај на сериозни симптоми, треба веднаш да побарате лекарска помош.

Најчесто ќе ги сретнете на отворено, бидејќи нивните гнезда можат да бидат во близина на населби или во природа, на пример, на скапани дрвја или грмушки.

Стршените ќе ве убодат кога ќе се почувствуваат загрозени. Еден стршен може да убоде еднаш или повеќепати, а понекогаш стршените се ројат, што резултира со десетици или стотици убоди. Исто така, треба да се нагласи дека само женките можат да убодат.

Повеќето убоди од стршен предизвикуваат помали симптоми кои обично траат од неколку часа до еден ден:

– топлина и болка во близина на убодот
– чешање и крвавење
– можна појава на копривњача во близина на убодот

Меѓутоа, убодот од стршен може да предизвика сериозни алергиски реакции или анафилакса поради хистаминот во отровот.

Анафилаксата е сериозна состојба која може да биде опасна по живот и бара итна медицинска помош.

Симптомите вклучуваат:

– копривњача надвор од местото на убодот
– отекување на кожата или грлото
– црвенило на кожата
– кашлица и отежнато дишење
– стегање во градите и гадење
– повраќање, потење и шок

Некои симптоми на убодот од стршен може да бидат долготрајни или да се влошат со текот на времето, особено убодите во близина на носот, устата и грлото. Повеќекратните убоди можат да бидат опасни по живот, предизвикувајќи срцев удар, откажување на органите или други здравствени проблеми.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот