Минатиот викенд на базенот „Борис Трајковски“ во Скопје се одржа 15-от пливачки митинг „Немо куп“, на кој учествуваа 42 клуба  од Македонија, Србија, Албанија, Бугарија и Косово. На натпреварот настапија 545 пливачи.

Пливачите на ПК „Бета Шаркс“ од Скопје имаа одлични настапи, а дел од нив, предводени од тренерот Среќко Пауновиќ, се закитија и со медали.

Виктор Смилевски освои едно злато, Леона Величковска освои злато и бронза, Сара Анастасовска освои две сребрени медали, Јована Марковиќ се закити со едно сребро и две бронзи, браќата Димитар и Дамјан Тодоровски освоија две бронзени медали и две сребрени.

„Ние не сме мотивирани од освоените медали, а ниту пак од добиените победи. Нашата мотивација како најголем клуб е во изградбата на систем каде тимот е на прво место, а спортските вредности на нашата екипа се гордост на нашата работа. Тоа е цел која мотивира и носи резултати! Честитки до целата екипа!“, напишаа од ПК Бета Шаркс на својот Фејсбук профил.