Коалицијата од партии која се трансформира во единствен политички субјект, владејачката „Вреди“, вечерва во Скопје го промовираше Централниот изборен штаб во пресрет на локалните избори кои треба да се одржат во октомври. За шеф на штабот е избран Аднан Азизи.

„Денеска сме тука да го промовираме поставувањето на Централниот штаб на ВЛЕН. Со овој орган уште еднаш потврдуваме дека ВЛЕН се унифицира како заеднички субјект за заедничкиот настап на локалните избори наесен. За шеф на штабот на ВЛЕН е веќе избран пратеникот Аднан Азизи, изјави вечерва во Скопје претседателот на една од партиите-членки на коалицијата „Вреди“ – Алтернатива, Зеќирија Ибраими.

Одговорајќи на новинарско прашање за тоа кога „Вреди“ ќе се трансформира во партија, Ибраими рече дека за тоа досега дискутирале неколку пати.

„Тоа е прашање што има и правни работи, има и политички, но тоа е веќе помалку важно, бидејќи е во сферата на администрацијата. Вреди веќе функционира како еден заеднички субјект“, рече Ибраими.

Запрашан за тоа кој е лидерот на „Вреди“, тој рече дека ова прашање се уште не е дискутирано.