Македонскиот фудбалер Аријан Адеми повеќе нема да биде дел од Динамо Загреб, откако клубот и фудбалерот постигнале договор за спогодбено раскинување на соработката, иако важечкиот истекуваше летото следната година.

Според хрватските медиуми, Адеми веќе го има избрано новиот предизвик, кариерата ќе ја продолжи во унгарскиот прволигаш Ујпешт, каде што ќе соработува со Дамир Крзнар, поранешниот тренер на Динамо кој сега работи во Унгарија.

Иако на маса имало повеќе опции, клучна, според пишувањата, била токму желбата на Адеми да се приклучи на екипа што ја води стратег со кого веќе има изградено доверба и добра релација.

Да потсетиме, неодамна клубот од „Максимир“ го напушти и Стефан Ристовски, така што ако не дојде до нови трансфери, Динамо ќе влезе во новата сезона без македонски фудбалери во своите редови.

ВИДЕО | Стефан Ристовски веќе не е фудбалер на Динамо Загреб