Адам Драјвер и неговата сопруга Џоан Такер го дочекале своето второ дете, девојче, на почетокот на оваа година, но веста за бебето беше чувана во тајност од јавноста, објави „Пејџ сикс“.

Адам гостувал во емисијата „Saturday Night Live“ и низ шега откри дека во неговиот дом пристигнала ќеркичка.

„Минатата година посакав ќерка и ми се исполни желбата, што е исцрпувачки. Значи, оваа година сакам лек за несоница“, изјавил тој.

Парот очекувано не го откри името на наследничката, што не е чудно со оглед на тоа што во 2016 година добија син, кој во јавноста стана познат две години подоцна, а до ден денес никој не го знае неговото име.

Адам и Џоан се познати како многу мистериозен пар кој ги чува своите приватни работи подалеку од очите на јавноста. Нивниот план понекогаш го нарушуваат објавите на Инстаграм на неговата сестра за нив двајца.

Адам Драјвер и Џоан Такер се запознале во 2000 година, а се венчале во 2013. Тој изјавил дека благодарение на неговата сопруга, останал „нормален“ меѓу „Холивудското лудило“.