Кошаркарите на Црвена звезда го совладаа Будуќност со 100:81, во вториот натпревар од полуфиналето на плеј-офот во АБА лигата.

Белградските „црвено-бели“ израмнија на 1:1 во серијата и се изборија за „мајсторка“.

Во победничката екипа доминираше Филип Петрушев со 20 поени и пет скокови, а по 13 поени имаа Ајзеа Кенан, Огњен Добриќ и Немања Недовиќ.

На спротивната страна Џуван Морган запиша 18 поени, а пет помалку забележа Мекинли Рајт.

Одлучувачкиот меч за пласман во големото финале ќе се игра на 1 јуни од 21.00 часот во салата „Морача“.