Алијансата за Албанците потенцира дека злото на Вреди не е албанската опозиција и Алијансата за Албанците, туку нивните владини партнери – ВМРО-ДПМНЕ, ЗНАМ и Српската демократска партија на Иван Стоилковиќ, порачува Алијансата за Албанците предводена од Арбен Таравари.

-Со нивните антиалбански политики, овие партнери секојдневно го користат и експлоатираат Вреди, прикажувајќи го во лошо светло пред Албанците. Дискриминацијата и деградацијата на Албанците на секое ниво се случува јавно, пред очите на функционерите на Вреди и за тоа одговорноста не може да се префрли врз албанската опозиција – велат од Алијанса.

Од партијата на Таравари порачуваат Вреди да престане да се однесува како опозиција, амнестирајќи се од гревовите на оваа Влада.

-Злото има име – ВМРО-ДПМНЕ и владините партнери – и вината треба да ја бараат таму, како и кај своите функционери кои ги легитимираат реваншистичките политики против Албанците од нивниот тутор, Христијан Мицкоски. Вреди е добро да земе пример од Алијансата за Албанците и што поскоро да се повлече од оваа екстремна Влада против Албанците. Во спротивно, одговорноста паѓа врз нив и никој нема да ги амнестира – велат од АА.

АА порачува Вреди  да му се врати на народот и да не се занимава со клевети и напади кон албанската опозиција, затоа што Албанците очекуваат одговорност и визија, а не оправдувања за да останат еден ден повеќе на власт.