80-годишен маж е обвинет за предизвикување четири пожари во североисточна Атика, Грција, на 11 август. Нему му е одреден притвор во очекување на судењето, откако сведочеше пред истражен судија, пренесува „Катимерини“. 

Речиси истовремено три пожари избувнале во предградието Глика Нера истиот ден на пладне на оддалеченост од околу 100 метри еден од друг, како и уште еден во вечерните часови.

Пожарите проголтаа околу 10.000 хектари шума и земјиште во текот на три дена.

Според безбедносните снимки што ги собрале властите, осомничениот се чини дека фрла запален материјал на сува трева од својот автомобил.

При претресот на неговиот дом и автомобилот биле пронајдени празни канистри, за кои извор од Противпожарната служба изјавил за Катимерини дека биле користени за транспорт на бензин, 15 запалки Zippo, пет мобилни телефони како и 210.000 евра во готовина.