Во драматичен натпревар по продолженија Чаир го совлада ТФТ Скопје со 92-94, а поголемо изненадување приреди Шкупи кој во Битола славеше над Пелистер со 86:90.

ТФТ кој до ова седмо коло беше единствената непоразена екипа во Првата лига водеше во најголем дел од натпреварот, но на крајот сепак попушти во самата завршница.

На пауза домашните кошаркари имаа предност од 13 поени разлика (44-31). Со почетокот на второто полувреме започна и Чаир да се буди. По третиот период разликата изнесуваше пет поени (57:52).

Чаир успеа да направи предност во финишот кога поведе со 73:74 и од тој момент гледавме егал натпревар. По регуларниот дел на семафорот стоеше 82:82. Чаир во дополнителните пет минути беше подобриот тим, па така го нанесе првиот пораз на ТФТ сезонава.

Пелистер во вториот натпревар беше изненаден од Шкупи и тоа во својата Битола каде што загуби во еден неизвесен натпревар со 86:90. За Пелистер ова беше втор пораз сезонава, додека Шкупи ја запиша тратата победа.

Во преостанатиот натпревар гостинска победа забележа Кожуф над Гостивар со 66:68.