Вечерва се емитува тринаесеттата епизода на СПорткаст на „Слободен печат“.

Гостин во тринаесеттото издание на СПорткаст е Тодор Гечевски, поранешен кошаркарски репрезентативец и творач на еден од најголемите репрезентативни успеси во тимските спортови – освојувањето на четвртото место на Евробаскетот во Литванија 2011 година. Со Гечевски, кој е роден кавадарчанец, разговаравме за неговото детство, првиот контакт со кошаркарската топка, за неговите први настапи во репрезентативниот дрес, за КК Тиквеш. Во разговорот кој траеше над час и половина, Гечевски зборуваше и за играчките денови во Работнички, за настапите во некогаш силниот Никол Ферт од Гостивар, за интернационалната кариера, животот во Италија, Германија и Грција како и за клубот каде ги прикажуваше најдобрите партии во неговата кариера, хрватски Задар. Неминовно беше а да не зборуваме и за Евробаскетот во Литванија каде Македонија го освои четвртото место.

Разговорот со Тодор Гечевски ќе можете да го проследите вечерва со почеток од 20 часот, на јутуб-каналот на „Слободен печат“.