Погледнете ја десетата епизода од СПорткаст на „Слободен печат“. Гостин на водителот Стефан Крстески е Горан Ѓоргоноски, поранешен ракометен репрезентативец и основач на проектот „Ракомет за секое дете“.

Со Ѓоргоноски разговаравме за неговото детство во родниот град Струга, за почетоците во ракометот, за струшкиот турнир. Исто така, поранешниот репрезентативен пивот раскажа и за 10 годишниот престој во Металург, за настапите во националниот дрес, за повредите, за Љупчо Савевски-Цевак и Крсто Петрушевски, за Лино Червар. Ѓоргоноски, кој важи за човек којшто живее за ракометот, раскажува и за причините за распадот на клубот од Автокоманда како и за тоа зошто повеќе не постои проектот „КЛ7“. Со Ѓоргоноски исто така разговаравме и за моменталните состојби во најголемите македонски клубови Вардар, Пелистер и Алкалоид како и за неговиот проект „Ракомет за секое дете“ и ракометниот камп кој секое лето го организира на брегот на Охридското Езеро – „40Х20“.