Ѕвездата на Астон Вила со предизвик за разбојниците: Дојдете во мојот дом, имам изненадување за вас
Скапите кучиња чувари стануваат вистински хит кај фудбалерите од Премиер лигата кои плаќаат и по неколку десетици илјади евра за верен чувар на домовите.
Капитенот на Астон Вила, Џек Грилиш го надгради обезбедувањето на својот дом со купување на куче чувар кој го плати неверојатни 28.000 фунти, објавија англиските медиуми.
Препорачано
Како главна причина за овој потег на Грилиш е минатонеделната случка кога разбојници влегле во домот на играчот на Тотенхем, Деле Али, го удриле во главата и со закана на ладно оружје му одзеле часовници и накит во вредност од неколку стотици илјади евра.
Деле Али, веднаш потоа купи специјално дресирано куче чувар кои го плати 25.000 фунти, за да го обезбеди својот дом.
James – Aston Villa star Jack Grealish splashes out £25,000 on a guard dog after Dele Alli robbery https://t.co/xAIBDEdod0 pic.twitter.com/f8cKqarX1v
— Aston Villa All News (@AVFCAllNews) May 21, 2020
Грилиш од фирмата „Chaperone K9“ купи специјално дресиран белгиски овчар кој го плати 28.000 евра. Веднаш потоа капитенот на Астон Вила на социјалните мрежи објави фотографија од кучето за да ги предупреди разбојниците да не им падне на памет да се обидат да влезат во неговиот дом како што му направија на Деле Али.
Купувањето на дресирани кучиња во последно време е вистински хит кај фудбалерите во Премиер лигата, претходно своето обезбедување со дресирани кучиња го „надградија“ и Рахим Стерлинг, Маркус Рашфорд, Рио Фердинанд и Уго Лорис.
