Екипата на Дубаи славеше победа во рамките од АБА лигата против Црвена Звезда со 92:107.

Од почетокот Дубаи беше подобар противник на теренот и победата ја најави со водството по првата четвртина која ја доби со 26:24. Ефикасниот натпревар продолжи и во вториот период, па гостинскиот состав на одмор замина со пет поени предност (45:50).

Дубаи беше подобар и во второто полувреме и предноста на гостите растеше од минута во минута, додека Звезда ниту еднаш не успеа посериозно да се доближи.

Нејт Мејтон беше најефикасниот на натпреварот со 23 поени и девет асистенции, додека за Звезда Данило Андушиќ уфрли 19.