Александар Зверев со доста мака обезбеди пласман во четвртфиналето на Мастерсот во Рим откако во третото коло беше поуспешен од Кеи Нишикори во три сета и тоа со 4:6,6:3,6:4.
Победникот од последниот Мастерс во Мадрид,  славеше по речиси три часа игра со што си закажа нова пресметка со Рафаел Надал. Двајцата тенисери играа меѓу себе и во Мадрид кога славеше Германецот во два сета (6:4,6:4).

За тоа каква битка се водеше на теренот во Форо Италико, најдобро покажува податокот дека само пет гема од првиот сет се играа дури 40 минути. По повеќе од еден ипол час игра, Нишикори успеа да направи брејк повеќе и да го освои првиот сет.

Нишикори и во вториот сет прв направи брејк за водство од 1:3, но Зверев успеа да се врати во игра, два пати да му го одземе сервисот на противникот и дојде до израмнување во сетови.
Одлучувачкиот сет подобро го отвори Јапонецот кој по трите одбиени брејк-топки успеа да поведе со 3:0, а потоа и со 4:1. Но, Зверев успеа и од вака тешка ситуација да се врати, повторно направи два брејка и дојде до голема победа со која си закажа нова пресметка со Рафаел Надал.