Поради продолжената економска неизвесност, Германците сè повеќе се свртуваат кон купување половни автомобили наместо нови. Иако пазарот на половни возила во Германија расте, сегментот на електрични возила (EV) се соочува со големи проблеми. Клучната причина е ненадејниот пад на нивната вредност по завршувањето на договорот за лизинг.

Производителите се фокусираа на продажба само на електрични автомобили со цел да ги намалат вкупните емисии на CO₂ на нивните модели до 2027 година. Сепак, падот на вредноста на половните EV модели е поголем од очекуваното.

Типичен пример е Audi e-tron Sportback, кој пред три години чинеше повеќе од 86.700 евра, а денес може да се купи за помалку од 38.000 евра. Причината е враќањето на голем број електрични возила од прва генерација (модели од 2021 и 2022 година) по завршувањето на лизингот, што доведе до нагло намалување на цените. Според анализата, просечниот пад на вредноста на електричен автомобил е околу 6.400 евра во споредба со сличен бензински модел.

Достава до дома од Кина- електричните автомобили пристигнуваат на ваша адреса

Финансискиот товар од падот на вредноста го носат првенствено лизинг компаниите и производителите. Слабиот интерес на приватните купувачи и компаниите за изнајмување автомобили дополнително ја влошува ситуацијата, па возилата стојат на паркинзите со месеци. Експертите предупредуваат дека проблемот дополнително ќе се интензивира, бидејќи „огромниот бран“ на враќање допрва доаѓа- пренесе Каматица.

Како можно решение за овој проблем, задржувањето на возилата во сопственост на производителите и лизинг компаниите се споменува сè почесто. Наместо да се продаваат по намалени цени, се препорачува повторно да се издаваат половни возила на лизинг или да се воведуваат модели со претплата, што се нарекува пристап „повеќе циклуси“. На овој начин, загубите би се ублажиле со повторна експлоатација на истото возило, а на крајот од неговиот век на траење, би било можно да се вратат вредни суровини.