Професорот и поранешен потпретседател на СДСМ, Зоран Јовановски, преку социјалните мрежи ги коментираше последните засилени активности на Министерството за внатрешни работи и Обвинителството во случаи во кои функционери на минатата власт се осомничени за злоупотреби и корупција.

„Вечерва, најголем дел од вестите на сите телевизии отпаѓа на изјави и вести за преземени активности на Министерството за внатрешни работи. Мислам дека тоа е тоа што го очекуваше и за што гласаше огромно мнозинство граѓани во земјава. И ова треба да продолжи,“ напиша Јовановски на Фејсбук.