Од утре почнува зимскиот режим на зонско паркирање во Скопје, извести јавното претпријатие „Градски паркинг“. Тоа значи дека стапува во сила зимското сметање на работното време на јавните површини наменети за паркирање.

Според новите правила, работното време во зоните А, Б и Ц ќе биде:

– од понеделник до петок – од 07:00 до 21:00 часот,

– во сабота – од 07:00 до 14:00 часот.

Во зоната Д, работното време останува исто, од понеделник до сабота – од 07:00 до 23:00 часот.

Од претпријатието апелираат возачите навреме да ја извршат наплатата при паркирање, за да избегнат дополнителни казни и проблеми.