Германката Натали Гајзенбергер денеска во Пекинг го освои третиот олимписки златен медал по ред.
Гајзенбергер во санкање во поединечна конкуренција победи со време од 3:53.454 минути и ја продолжи доминацијата во нејзината дисциплина. Германката претходно победи и во Пјонгчанг пред четири години и во Сочи во 2014 година.

Таа исто така има и два златни медали во екипна конкуренција на Игрите во Сочи и во Пјонгчанг, додека на Игрите во Ванкувер 2010 година освои бронзен медал во поединечна конкуренција.

Среброто го освои Ана Берејтер од Германија со заостаток од 0:493 секунди, додека Татјана Иванова од Русија беше трета со 1.053 секунди заостанување зад шампионката.