Германецот Јоханес Лудвиг се закити со златниот медал на ЗОИ во Пекинг во дисциплината санкање. Лудвиг имаше најдобро време на четирите трки во санкање од 3:48.735 минути што беше за 160 илјадити делови од секундата подобро од второпласираниот Волфганг Киндл од Австрија.

Брознениот медал отиде на градите на Италијанецот, Доминик Фишналер кој доцнеше нешто помалку од една секунда зад новиот олимписки шампион.

Австралијката Џакара Ентони го освои златниот медал во слободно скијање во дисциплината могул. Ентони до победата дојде со вкупен резултат од 83:09 бодови и на Австралија и го донесе шестиот златен медал во историјата на Зимските олимписки игри. Интересно е што четири златни медали, Австралија има освоено тоокму во слободно скијање.

Сребрениот медал и припадна на Џејлин Кауф од САД која освои 80.28 бодови, додека последното место на победничкиот пиедестал и припадна на Русинката Анастасија Смирнова со освоени 77.72 бодови.
Олимиската шампионка од Пјонгчанг 2018 година, Французинката Перин Лафон го освои четврото место.