Попладневно на социјалните мрежи и на неколку онлајн медиуми беше објавено видео од кое се забележува како повеќе униформирани специјалци од МВР апсат лице кое се наоѓа на земја и не пружа отпор. Непосредно по оваа објава, следеа неколку сензационалистички наслови од медиуми, кои се блиски до политички партии, кои шпекулираат разни основи за притворање на новинарот Фуркан, а притоа се повикуваат на наводни полициски извори, стои во соопштението на Здружението на новинари на Македонија откако попладнево беше уапсен од специјална полиција новинарот Фуркан Салиу.

„ЗНМ и ССНМ апелираат случајот веднаш да биде расчистен, да се внимава да не се повредат правата на колегата Салиу, а политичките партии да не го користат во своите дневно политички препукувања и за партиски цели на изборната кампања.Пред малку беше објавена информација на PortaliX, онлјан медиумот во кој Фуркан Салиу е основач и уредник. Уредничкиот тим на медиумот информира дека денешниот акт на специјалната единица против новинарот Салиу е целосно диригиран и претставува обид за притисок врз слободното новинарство што го практикува PortaliX, се вели во соопштението на ЗНМ.

Инаку специјалци доцна попладнево го уапсија новинарот и сопственик на Портал Х, Фуркан Салиу. За настанот објави и видео медиуимот на Албански јазик IN7.TV.

Засега нема информации и објаснување зашто Салиу е уапсен.

Салиу е однесен во полициската станица Гази Баба, а беше приведен за време на фудбалски натпревар во селото Коњаре.

Од Порталот Х информираа дека денешната акција на специјалната единица против новинарот Салиу е целосно насочена и циничен обид за притисок врз слободното новинарство што го практикува нивниот медиум.