Македонија се закити со два медали на 29 Балканско првенство во карате за деца (30 мај – 1 јуни 2025) што се одржува во Бар, Црна Гора.

Членот на карате клубот „Башкими“ од Куманово, Сара Муадини е балкански првак во категоријата 12 години, -45 кг., оствари победи над Јована Живиќ од Србија (1:0), Лаура Просиќ од Хрватска (2:0), Ламија Демировиќ од Босна и Херцеговина (3:0), Сура Улку Алтун од Турција (1:0) и Хиранур Урај од Турција (3:0).

Софија Топалоска освои трето место во категоријата 10 години, -34 кг., најпрвин триумфираше убедливо со 7:1 против Хрватката Петра Болф.

Потоа, Топалоска ја совлада Ксенија Цицмил од Црна Гора (1:0), па со истиот резултат беше подобра и од Турчинката Туба Елиф Азак.

Во полуфиналето минимално со 1:0 нашата натпреварувачка загуби од Лара Јурачиќ од Хрватска, а во репасажит Топалоска со 3:1 триумфираше против Димитра Пилатоу од Грција (3:1).